Blog Archives
ملاك صغير
من يومين كنت راجع من بيروت على بيتي عشية..
بعدنا كنا على السفارة الكويتية عالدوار.. عجقة كالعادة.. ناسينغ نيو..
شفت بيك أب محمل عفش بيت أو عالقليلة أشياء من الحقل المعجمي تبع بيت…
كان في براد.. سجادة.. 3 فرش اسفنج.. كنباية.. كرسيين خشب.. مخدات.. طاولة.. وعيلة 7 أشخاص…
صدقوا… البيك أب كان محمل كل هالأشياء ومعها عيلة 7 أشخاص.. زلمة ومرتو عايدها في رضيع وزلمة كبير بالعمر وصبي وبنت أعمار متوسطة وبنت صغيرة مابتتخطى الخمس سنين…
إيه.. حفظتن كلن..
لأ.. مش لأنو طولنا بالعجقة بس لأنو حفظت تعابير وجهن كلن…
الزلمة عم يتطلع بالسما عزة نفسو مش سامحتلو يتطلع بوجوه العالم… مرتو عم تتطلع في بحسرة وضو سيارتنا عم يلمع بدموع عيونها…
الختيار وضعو مابيسمح يوقف.. قاعد لاقي على عصاه وحدو حفيدو وحفيدتو.. عم يتفرجوا عالسيارات.. عولاد متلن فيها..
بقي البنت الصغيرة.. بنت سبحان اللي خلقها.. بتقول ملاك صغير… مش فاهمة شي من يلي عم يصير… عم تلوح للسيارات… وتبتسم لكل حدا فيها برد السلام…
السلام يلي أهلها عم يحلموا في… سورية البنت… قصدا نسيت قلكن انها سورية… مش لأنو مابتفرق… بالعكس لأنو ببلدنا وللأسف.. كتير بتفرق…
مهجرين من الحرب ببلدهم… متلنا من كم سنة… وعلى الأرجح متلنا بعد كم سنة… مابدها ذكا تتوقع هالشي…
بس للأسف وضعهم الاجتماعي مابيسمحلهم يتحملوا تكاليف العيش الكريم بلبنان… بـلبنان البخيل…
مابعرف شو كانت وجهتهم… مش أكيد أصلا انو كان عندهم وجهة… تعابير وجهن كفاية تافترض هالافتراض…
قال شو.. بالمدرسة كان يضلوا يقولولنا يشتهر لبنان بكرم أهله… يمتاز اللبنانيين عن باقي الدول بأنهم شعب مضياف… لول
يا عيب الشوم… حسيت حالي عاجز… مشي السير وكملنا عالبيت… بس صورة هالعيلة كملت معي…
لعند ماشفت تقرير عالتلفزيون عن اللاجئين السوريين بلبنان…
مقابلات مع لبنانيين اجريت في الشارع… السؤال كان “شو رأيك بظاهرة السوريين بلبنان؟”
خليني أول شي قول تفه عالحمار اللي قرر يعمل هالتحقيق ويتبنى هيدا السؤال… “ظاهرة”
هودي كم جواب من شعبنا المضياف.. علقوا براسي…
صبية عشرينية: “ييييييي متليين الدني.. وين ماروح بتفركش فيهن”
امرأة مع صديقتها: كتير زودوها…” بترد رفيقتها “عم نقرف نضهر من بيتنا”
طفل: “سوريي سوريي يفلو بقى من عنا”
رجل: ” رح يصيروا أكتر منا”
شاب: “أنا ماعندي مشكلة بس مش عم نلاقي صفة بالحمرا”
ولك يا عيب الشوم… (مع العلم انو ماكان في ولا تعليق ايجابي بين يلي نعرضوا بالتقرير)
معليش للذكرى هون بس…
بحرب تموز.. مليون لبناني راحوا على سوريا…
أكل وشرب ومسكن وطبابة وترفيه وكهربا ومياه… برجع بكرر لمليون شخص… مادفعوا ولا ليرة…
يا عيب الشوم بس مش أكتر…
عنا هون.. الأوتالات مفولة.. الشقق مفولة… بأضعاف أضعاف الأسعار العادية… المطاعم والمقاهي وكل المراكز السياحية والاقتصادية عم تشهد انتعاش بعمرو ماصاير قبل…
عشو عم تنقوا؟ منيح يلي مش فاتحين بيوتكن متل ماهني عملوا…
منيح يلي مش عم طعموهم عحسابكم متل ماهني عملوا…
منيح يلي مش مقعدينهم بفنادقنا ببلاش متل ماهني عملوا…
منيح يلي مش عم نحكمهم ببلاش متل ماهني عملوا…
يا عيب الشوم…
شعب حقير… لو عدوك كان ضعيف ولجألك… لازم تأوي.. كيف إذا شعب فضلو مش بس كبير عليك… فضلو كبير عحريتك وعلى استقلالك
بعرف في كتار هيدا الكلام مش موجه الهم…
بس للأسف يلي بينطبق عليهم هيدا الكلام كمان كتار…
أخيرا.. بتمنى كلامي يكون للعبرة.. مش للذكرى.
علي جانبين
Gorgeous Pictures Of The Holy Land From 120 Years Ago
Courtesy of the Library of Congress these pictures takes us to the Holy Land between 1890 and 1900.
The Holy Land of that era, which includes modern Lebanon, Palestine and other territories, was controlled by the Ottoman Empire. It is a pastoral land that looks like it had changed little since the Biblical era.
These images are photolithographs, which are made from adding color to black-and-white photographic negatives.
An itinerant shoemaker outside Jerusalem
The landscape is littered with ruins. Here is the Temple of the Sun in Baalbek
A relaxing afternoon in the fields by Cana of Galilee
The Ruins of Capernaium, a fishing village that was home to several apostles
The Jaffa Gate, Jerusalem
The Damascus Gate, Jerusalem
Stone cutters in Jerusalem
A bustling market by the Tower of David in Jerusalem
Shephards hang out in Nebi-Samuel, aka the Plain of Mizpah
Camels riders halt in the desert
The Tomb of Lazarus in Bethany
Beirut was a large city even at the turn of the century
Shepherds in Hadjar en Nasaroh
The River Jordan
Laborers on the Plain of Esdraelon
Syrian peasant making bread
Bedouins and their tents
Bedouins drawing water
Ruins of an ancient colonnade in Samaria
The virgin’s fountain in Nazareth
The birthplace of Mary Magdalene in Magdala
Relaxing outside Lydda
A fisherman’s boat on the Sea of Galillee by Tiberias
